Паведамленне пра мініраванне Гродзенскага аблвыканкама аказалася вучэбнай трывогай
Паведамленне пра мініраванне Гродзенскага аблвыканкама аказалася вучэбнай трывогай, паведамілі БЕЛТА ў прэс-службе УУС аблвыканкама.
Сёння ў сацыяльных сетках з'явілася інфармацыя, што будынак Гродзенскага аблвыканкама замініраваны. Тэрыторыя вакол будынка была ачэплена, на месца прыехалі экстранныя службы. Неўзабаве ачапленне было знята, эвакуацыя супрацоўнікаў і наведвальнікаў не праводзілася.
«Паведамленне пра мініраванне аказалася вучэбнай трывогай», — адзначылі ў прэс-службе УУС Гродзенскага аблвыканкама.