Пасля ўрагану на пляж у Тэхасе выкінула дзіўную марскую пачвару без вачэй ФОТА
Фота невядомае істоты выклала ў сваім «Твітары» амерыканская натуралістка Прыці Дэсай.
Тут і далей — фота Preeti Desai, Twitter
Як піша Прыці, яна адразу падумала, што гэта мінога, але, калі падышла бліжэй і ўбачыла зубы істоты, стала ясна, што гэта не так. На сваёй старонцы ў твітары яна запыталася ў біёлагаў, якія яны маюць думкі наконт гэтай пачвары.
Каментатары выказалі здагадку, што гэта можа быць асаблівы від вугра. Але дакладны адказ так і не знойдзены: нетыповыя іклы загадкавай істоты збіваюць усіх з панталыку.