Што за незвычайны камуфляж на Віктару Лукашэнку? Разбіраемся
У час закрыцця вучэнняў «Захад-2017», Віктар Лукашэнка з'явіўся на палігоне ў камуфляжы, якога не было ні ў каго побач. Гэтая форма не вельмі падобная да статутнай «Лічбы».
president.gov.by
Але цяпер паняцце «статутная форма» для сухапутных падраздзяленняў фактычна не існуе. Па статуце апранаюцца, скажам, толькі салдаты тэрміновай службы — ім форму прадастаўляе дзяржава, — а таксама пагранічнікі, мытнікі.
Афіцэры і кантрактнікі абіраюць сабе форму, сыходзячы з практычнасці. Звычайна гэта камуфляжы вытворчасці беларускай фірмы Garsing.
Cкажам, у міліцэйскую практыку нароўне са статутнай цёмна-сіняй формай даўно ўвайшоў камуфляж MultiCam ад таго ж Garsing.
Дык а што за форма на Віктары? Гэта таксама Garsing, куртка «Панцыр», якая прадаецца на афіцыйным сайце за 160 рублёў.