У Маладзечне раўнівы кавалер падпільнаваў знаёмую пад пад’ездам
41-гадовы маладзечанец запрасіў сваю знаёмую жанчыну правесці з ім вечар у адной з забаўляльных устаноў. У разгары вечара мужчына заўважыў, што яго знаёмая раптоўна знікла.
— Згараючы ад рэўнасці, мужчына пабег да дому, дзе жыла яго знаёмая — расказваюць у міліцыі. — Там мужчына затаіўся і пачаў чакаць.
Неўзабаве ў двор заруліў аўтамабіль, які даставіў дадому легкадумную жанчыну.
Паміж мужчынамі завязалася патасоўка. Раўнівец спрабаваў новага кавалера сваёй дамы выцягнуць з машыны, парваў на ім адзенне. Кавалер збег. Затое раўнівец вырашыў адыграцца на аўтамабілі: біў па ім нагамі, разбіў фары.