Па кнізе Віктара Марціновіча «Возера радасці» здымуць мастацкі фільм
Пра гэта сам аўтар паведаміў у сваім фэйсбуку. Кніга «Возера радасці» пабачыла свет летам мінулага года. Здымаць фільм будзе рэжысёр Аляксей Палуян. Ён цяпер жыве ў Нямеччыне.
«Мы падпісалі паперы і прагаварылі вузлавыя моманты, якія тычацца фільма. Кіно робіцца ў фармаце фестывальнага кароткага метра. Для пастаноўкі абраная толькі частка сюжэту, якая распавядае пра Ясіна дзяцінства, пры сцэнарнай распрацоўцы па ўзгадненні са мной зменены шэраг абставінаў раману, дзея перанесена ў чароўную беларускую вёсачку», — напісаў Віктар Марціновіч.
Віктар Марціновіч пра кнігу «Возера радасці»