10 гульцоў асноўнага складу «Арсенала» не згуляюць на «Барысаў-Арэне»
У Мінску «Арсенал» сустракалі сотні фанатаў
Футбалісты асновы лонданскага «Арсенала» Аляксандр Ляказэт, Алексіс Санчыс, Эктар Бельерын, Нача Манрэаль і Сеад Калашынац таксама не згуляюць у матчы групавога раўнда Лігі Еўропы з БАТЭ. Паядынак пройдзе сёння на «Барысаў-Арэне». Пачатак а 20:00.
Як паведамляе «Mirror», гэтыя гульцы засталіся ў Лондане.
Раней брытанская прэса адзначала, што ў Беларусь не прыляцелі Месут Азіл, Алекс Айвобі, Петэр Чэх, Ларан Касельні і Ааран Рэмсі. Вынікае, што «кананіры» ў матчы з БАТЭ будуць гуляць без дзесяці гульцоў асноўнага складу.