Нарматыў абавязковага продажу валютнай выручкі зменшыўся да 10%
Нарматыў абавязковага продажу выручкі ў замежнай валюце суб'ектаў гаспадарання — рэзідэнтаў зніжаецца ад 1 кастрычніка з 20% да 10%. Пра гэта БелТА паведамілі ва ўпраўленні інфармацыі і грамадскіх сувязей Нацыянальнага банка Беларусі.
Дадзенае рашэнне тлумачыцца палітыкай лібералізацыі валютных адносін з улікам стабільнай сітуацыі на валютным рынку, дзе прапанова валюты ўстойліва перавышае попыт на яе. Зніжэнне нарматыву абавязковага продажу валютнай выручкі будзе спрыяць развіццю экспартнага патэнцыялу беларускіх прадпрыемстваў, адзначылі ў Нацбанку.