СМІ: Паліцыя пачала зачыняць выбарчыя ўчасткі ў Каталоніі
Паліцыя Каталоніі зачыніла больш за 15 выбарчых участкаў на рэферэндуме аб незалежнасці ад Мадрыда і правяла ператрусы, паведамляе агенцтва EFE са спасылкай на ўласныя крыніцы ў праваахоўных органах.
Як паведамляецца, супрацоўнікаў паліцыі акружыла група людзей, якія сабраліся каля выбарчага ўчастка, размешчанага ў моўнай школе. Праваахоўнікі выклікалі падмацаванне.
Ужо за некалькі гадзін да галасавання каталонцы сталі ў чэргі перад школамі, якія павінны стаць выбарчымі ўчасткамі. Нягледзячы на праліўны дождж, тысячы каталонцаў выйшлі на вуліцы горада ў чаканні старту галасавання.