Новы рэкорд для кнігі Гінэса: лыжніка прывязалі да машыны і разагналі да 188 км/г ВІДЭА
Былы капітан лыжнай зборнай Вялікабрытаніі Грэхэм Бэл усталяваў новы сусветны рэкорд па хуткасці перамяшчэння на лыжах з дапамогай буксіроўкі.
Кадр з відэа
Рэкордны заезд адбыўся ў шведскім горадзе Ар'еплуг пры тэмпературы -28°C. У якасці буксіроўшчыка быў выкарыстаны паўнапрывадны ўніверсал Jaguar XF Sportbrake з рухавіком магутнасцю 380 конскіх сіл. Аўтамабіль разагнаў прывязанага да яго лыжніка да 188,25 км/г, тым самым пабіўшы папярэдні рэкорд больш чым на 75 км/г.