Мінгарвыканкам забараніў дэманстрацыю рабочых за годную працу
Мінгарвыканкам забараніў Беларускаму кангрэсу дэмакратычных прафсаюзаў правесці шэсце 7 кастрычніка па маршруце ад кінатэатра «Кастрычнік» да плошчы Бангалор, піша Радыё Свабода
Улады прапанавалі замест дэманстрацыі правесці масавае мерапрыемства на адной з трох пляцовак: парку Дружбы народаў, парку 50-годдзя Кастрычніка ці ў Кіеўскім скверы. Яны патлумачылі, што заяўлены маршрут не адпавядае патрабаванням артыкула 9 закона «Аб масавых мерапрыемствах». Маўляў, дэманстранты створаць перашкоды для руху транспарту. Аднак заяўнікі адзначаюць, што раней улады дазвалялі шэсці менавіта па гэтым маршруце.
Лідар БКДП Аляксандр Ярашук даслаў ліст у Менгарвыканкам, у якім заявіў, што ўлады фактычна забаранілі правядзенне дэманстрацыі. У зьвязку з гэтым БКДП адмовіўся ад змены фармату і месца правядзення мерапрыемства.
«Прынята рашэнне, што мы не выходзім на дэманстрацыю, калі яна не дазволеная. Таму заўтра нічога не адбудзецца і мы нічога не плянуем. У нас 7 кастрычніка не адбудзецца ніякага мерапрыемства».