Шуневіч выказаўся пра «ціхароў»
У міністра ўнутраных спраў Ігара Шуневіча журналісты запыталіся, што рабіць, калі нейкія асобы ў спартовых касцюмах правакуюць іншых людзей.
Як прыклад, калі «ціхары» вырывалі расцяжкі падчас пратэсту супраць выступу расійскага прапагандыста Уладзіміра Салаўёва ў Палацы Рэспублікі ў лістападзе 2016 года, а супрацоўнікі міліцыі ў форме не рэагавалі.
«Гэта маглі быць правакатары, памочнікі гэтага прапагандыста, як вы кажаце, — сказаў Шуневіч. — Калі тыя дзеянні былі незаконныя, а супрацоўнікі міліцыі на іх не рэагавалі…. Я яшчэ раз паўтараю: супрацоўнікі будуць адказваць за тое, што яны не рэагуюць на парушэнне грамадскага парадку, вось і ўсё».