У Брэсце пасля трэніроўкі ў басейне памёр васьмігадовы хлопчык
Трагедыя здарылася ў Брэсцкім палацы водных відаў спорту.
Паводле папярэдняй інфармацыі, васьмігадовы хлопчык плаваў у басейне, пасля чаго адправіўся ў трэнажорную залу, паведамляе brestcity.com. Што менавіта стала прычынай трагедыі, пакуль невядома.
Супрацоўнікі спарткомплекса спрабавалі на месцы аказаць дапамогу, выклікалі «хуткую». На жаль, хлопчыка выратаваць не ўдалося. У рэанімацыі дзіця памерла.
Па факце смерці хлопчыка праводзіць праверку Следчы камітэт.