НАСА апублікавала АЎДЫЯзапісы з «жудаснымі гукамі» з космасу
Амерыканскае касмічнае агенцтва NASA напярэдадні Хэлоўіна апублікавала 22 аўдыязапісы касмічных гукаў, якія адным могуць спадабацца, а іншых напалохаць.
Некаторыя з гукаў атрымаліся даволі прыгожымі. Напрыклад, гукі Юпітэра падобныя да ціўкання касмічных птушак, заўважыў у каментарах да запісу адзін з карыстальнікаў SoundCloud, дзе размешчаны плэйліст.
Гукі штучна стварылі шляхам пераўтварэння ў гукавыя хвалі дадзеных, атрыманых касмічнымі зондамі і іншымі апаратамі, здольнымі фіксаваць радыёвыпраменьванне.