Латвіец спрабаваў прарвацца на машыне праз беларускую мяжу ВІДЭА
30 кастрычніка ў пункце пропуску «Грыгораўшчына» 36-гадовы грамадзянін Латвіі на «Аўдзі» з латвійскімі нумарамі спрабаваў прарвацца праз мяжу.
Мытнікі вырашылі накіраваць машыну латвійца ў бокс для паглыбленага дагляду. Тады кіроўца націснуў на педаль і накіраваўся ў бок латвійскай мяжы. Пры гэтым мужчына збіў шлагбаўм і праехаў праз раскатанага «вожыка», пашкодзіўшы колы транспартнага сродку, паведамляе Памежны камітэт. Мужчыну затрымалі.
***