У ЗША распавялі стратэгію перамогі над Расіяй у космасе
Выканаўчы сакратар Нацыянальнага савета па космасе пры прэзідэнце ЗША Скот Пэйс распавёў пра стратэгію па захаванні лідарства ў космасе ў будучыні.
Галоўнае ў стратэгіі, па ягоных словах, — пашырэнне ўдзелу прыватнага сектару ў касмічнай сферы. Таксама Скот Пэйс распавёў Scientific American, што рэалізацыя самых складаных праектаў немагчымая без міжнароднага партнёрства.
Такая стратэгія адрозніваецца ад таго, што рабілі СССР і ЗША ў 1960-х гадах, бо тады лідарства пацвярджалася ў выпадку, калі краіна стварала тое, што не мог зрабіць канкуруючы бок.
Кажучы аб місіях на Марс, Скот Пэйс назваў праекты амбітнымі і дадаў, што менавіта іх рэалізацыя з'яўляецца прычынай, па якой ЗША займаецца космасам.