Макей не адказаў, ці паедзе Лукашэнка ў Брусэль
Узровень удзелу дэлегацыі Беларусі ў саміце Усходняга партнёрства, які адбудзецца 24 лістапада ў Брусэлі, будзе вызначацца з улікам узаемадзеяння з ЕС.
Пра гэта заявіў сёння журналістам міністр замежных спраў Беларусі Уладзімір Макей па выніках сустрэчы ў Маскве з міністрам замежных спраў Расіі Сяргеем Лаўровым, піша БелТА.
«Беларуская дэлегацыя прыме ўдзел у гэтым мерапрыемстве, — сказаў Уладзімір Макей. — Што тычыцца ўзроўню ўдзелу дэлегацыі Рэспублікі Беларусь, ён будзе вызначацца тым узроўнем нашага ўзаемадзеяння з Еўрапейскім саюзам, які існуе ў цяперашні час».