Польшча падпісала кантракт на пастаўку газу з ЗША
Падпісаны кантракт з кампаніяй Centrica LNG аб пастаўках звадкаванага прыроднага газу з ЗША. Паводле дамовы паліва будзе пастаўляцца 5 гадоў, паведамляе сайт польскай кампаніі PGNiG.
Газ прызначаны для рынку Польшчы і іншых краін Цэнтральнай Еўропы. Польшча тлумачыць угоду неабходнасцю павысіць энергетычную бяспеку рэгіёну, дзе «гістарычна дамінаваў расійскі газ».
Адзначаецца, што падпісаны кантракт толькі першы з запланаваных.
Аб магчымасцях ЗША дапамагчы Польшчы і іншым еўрапейскім дзяржавам з дыверсіфікацыяй паставак газу ў ліпені казаў амерыканскі лідар Дональд Трамп.