У Ашмянах падчас п'янкі маладая мама зарэзала мужа
Трагедыя адбылася ў Ашмянах. Муж з жонкай, якая знаходзіцца ў дэкрэтным адпачынку, разам пілі алкаголь і з нейкай нагоды пасварыліся.
Слова за слова, і 31-гадовая жанчына схапіла нож. Праз імгненне яна ўдарыла мужа па шыі. Той не паспеў зрэагаваць на ўдар, і ад нанесеных траўм памёр. Усвядоміўшы, што нарабіла, жанчына патэлефанавала ў хуткую дапамогу, аднак муж на той момант ужо не дыхаў.
У дачыненні да 31-гадовай грамадзянкі заведзеная крымінальная справа па артыкуле «Забойства», паведамляе УУС Гродзенскага аблвыканкама.