У варшаўскім Цэнтры мусульманскай культуры ўначы выбілі вокны
У будынку Цэнтра мусульманскай культуры ў Варшаве ў ноч на панядзелак выбілі вокны, паведамляе Радыё Польшча.
Фота PAP / Rafał Guz
Паліцыя шукае правапарушальнікаў, якія ў ноч з 26 на 27 лістапада выбілі вокны ў будынку Цэнтра мусульманскай культуры ў Варшаве. На тэрыторыі цэнтра знаходзіцца мячэць. У выніку інцыдэнту ніхто не пацярпеў.
Паводле словаў Марыюша Мрозэка з прэс-службы сталічнай паліцыі, а 6-й раніцы паліцыя атрымала паведамленне аб выбітых вокнах і неадкладна прыбыла на месца здарэння. У будынку было пашкоджана больш за дзясятак вокнаў.
«Ахоўнік пачуў шум каля 1 гадзіны ночы, аднак, патэлефанаваў у паліцыю нашмат пазней. Да прыезду патруля правапарушальнікі пакінулі месца падзей. Мы праводзім збор інфармацыі, а таксама аналіз запісаў відэаназірання», - адзначыў Мрозек.