Мэсі самым высокааплатным футбалістам у свеце. Раналду нават не на другім месцы
Reuters.com
Ліянэль Мэсі працягнуў кантракт з «Барселонай» у суботу, 25 лістапада. Пагадненне разлічана да лета 2021 года, а заробак гульца павялічаны да €43 млн за сезон. Сума адступных складае €700 млн.
У спісе самых высокааплатных гульцоў свету па версіі іспанскага выдання Marca Мэсі абышоў былога партнёра па зборнай Аргенціны Карласа Тэвеса — гулец кітайскага «Шанхая Шэньхуа» атрымлівае за сезон €38 млн.
Трэцяе месца ў спісе гульцоў з самай высокай зарплатай заняў гулец ПСЖ Нэймар. У год ён атрымлівае €36 млн.
Крышціяну Раналду, які працягнуў кантракт з «Рэалам» у гэтым сезоне, апусціўся на чацвёртае месца рэйтынгу. Ён зарабляе ў год €34 млн.
Замыкае пяцёрку яшчэ адзін футбаліст кітайскага чэмпіянату бразілец Оскар. Былы гулец «Чэлсі» зарабляе ў «Шанхай СІПГ» €24 млн.