У Маладзечне кіроўца хуткай урэзаўся ў ліхтар, пасажырка загінула
У панядзелак у 7:12 на вуліцы Грамадоўскай у Маладзечне здарылася трагедыя. 60-гадовы мужчына на «Фальксвагене Пасат» рухаўся ў бок вуліцы Буйніцкага.
На нязначным закругленні дарогі ён няправільна выбраў хуткасць і не даў рады кіраванню. У выніку машына ўрэзалася ў асвятляльную апору.
- Пасажырка машыны, 56-гадовая жанчына, загінула на месцы здарэння, — расказаў «Рэгіянальнай газеце» інспектар Маладзечанскай ДАІ Сяргей Барташ. — Мужчына, які працуе кіроўцам хуткай дапамогі, дастаўлены ў рэанімацыю. Вядома, што ні кіроўца, ні пасажырка не былі прышпіленыя.