«Бацюшка са свастыкай» абвясціў галадоўку ў калоніі
Асуджаны за незаконнае захоўванне зброі праваслаўны святар Канстанцін Бурыкін абвясціў галадоўку пратэсту. Пра гэта ў СМІ паведаміла ягоная жонка жонка Вольга Бурыкіна.
Муж паінфармаваў яе пра галадоўку падчас чарговага тэлефанавання з калоніі. Ён наракае на вынясенне яму вымоваў, якія робяць немагчымым умоўна-датэрміновае вызваленне. Мэтаю свайго пратэсту ён назваў сустрэчу са сваім адвакатам.
Бурыкін служыў у Гатаве пад Мінскам і быў звязаны з расійскімі неанацысцкімі асяродкамі. За наколкі на целе ён атрымаў мянушку «бацюшка са свастыкай».