Лукашэнка — кантралёрам і мясцовай уладзе: Калі чалавек хоча нешта рабіць, не перашкаджайце яму
Аляксандр Лукашэнка запатрабаваў ад кантралюючых органаў і мясцовай улады не абмяжоўваць ініцыятыву людзей, дапамагаць і аказваць належнае садзейнічанне прадстаўнікам бізнэсу. Пра гэта ён заявіў сёння на сустрэчы з прадстаўнікамі бізнэс-колаў краіны.
«Калі чалавек хоча нешта рабіць, не перашкаджайце яму, а дапамажыце. Калі ён чагосьці не ведае, растлумачце. Толькі такім стаўленнем мы зможам забяспечыць максімальную самазанятасць людзей», - падкрэсліў кіраўнік дзяржавы.