Распрацоўшчыкі Telegram стварылі альтэрнатыўны дадатак з новымі функцыямі для свайго месенджара — Telegram X
Распрацоўшчыкі Telegram стварылі альтэрнатыўны дадатак для свайго месенджара пад назвай Telegram X. Новая праграма атрымала цёмную тэму, іншы зыходны код і магчымасць працаваць больш хутка і эфектыўна.
Як паведамляецца ў апісанні дадатку, Telegram X напісаны на мове праграмавання Swift, працуе хутчэй, чым асноўная праграма, і дазваляе больш эфектыўна выкарыстоўваць энергію акумулятара.
Акрамя таго, у новай версіі менеджара з'явілася цёмная тэма, магчымасць наладжваць памер шрыфтоў, праслухоўваць аўдыяфайлы анлайн і выкарыстоўваць GIF-малюнкі ў версіі для iPad.
Telegram X даступны для запампоўкі на iOS-прылады ў афіцыйнай краме App Store.
Swift — мова праграмавання ад кампаніі Apple, прадстаўленая ёй у 2014 годзе як сучасная, больш лёгкая для чытання і ўстойлівая да памылак праграміста мова, якая паступова замяняе сабой мову Objective-C.