Паблізу ўкраінскай Горлаўкі пачаўся абмен палоннымі
Непадалёк ад Горлаўкі, каля кантрольнага пункта пропуску ўезду-выезду «Маёрскае», пачаўся абмен закладнікамі баевікоў і затрыманымі ўкраінскімі ўладамі, піша «Украінская праўда».
Палонных прывезлі на сямі аўтобусах. Паведамляецца, што тры чалавекі адмовіліся ад абмену і хочуць застацца на ўкраінскім баку.
Прадстаўнікі «ЛНР» перадаюць Кіеву 16 чалавек, а атрымаюць ад украінскага боку 75 чалавек.
Дадзены этап прадугледжваў абмен 306 на 74, але 43 чалавекі ўжо адбылі пакаранне па прысудах украінскіх судоў і не прыехалі на абмен. Такім чынам, Украіна павінна выдаць баевікам 263 чалавекі.