У мінскім двары пад коламі смеццявоза загінула 92-гадовая бабуля
ДТЗ адбылося 2 студзеня ў двары дома па вуліцы Каржанеўскага каля 14 гадзін.
За стырном смеццявоза быў 59-гадовы мужчына. Ён быў цвярозы, паведамілі ў Следчым камітэце.
Ад атрыманых траўмаў 92-гадовая жанчына памерла на месцы.
Па факце ДТЗ заведзена крымінальная справа. Кіроўцу пагражае да 5 гадоў.
Праводзяцца экспертызы. Следчыя шукаюць сведкаў ДТЗ і заклікаюць іх звярнуцца па тэлефонах 8 033 333 67 19, 8 017 389 54 51.