КНДР пагадзілася на прамыя перамовы з Паўднёвай Карэяй
KCNA via Reuters
Як паведамляе агенцтва Bloomberg са спасылкай на супрацоўніка Міністэрства аб'яднання Паўднёвай Карэі Хен Тэ Байка, улады КНДР пагадзіліся на прамыя перамовы з Паўднёвай Карэяй, якія запланаваны на 9 студзеня.
Па словах чыноўніка, на перамовах плануецца абмеркаваць як удзел КНДР у Зімовай Алімпіядзе ў Пхенчхане, так і сітуацыю на паўвостраве.
Гэта будзе першая сустрэча на высокім узроўні з 2015 года.
Ідэю перамоваў у чацвер падтрымаў прэзідэнт ЗША Дональд Трамп. Пентагон ужо абвясціў, што запланаваныя на пачатак года сумесныя вайсковыя вучэнні з Паўднёвай Карэяй перанесены і пройдуць толькі пасля завяршэння Паралімпіяды.
Правядзенне перамоў абмяркоўваліся 3 студзеня пры дапамозе тэлефоннай «гарачай лініі», адкрытай праз працяглы час.