Беларусь закрывае консульства ў Адэсе
У Адэсе будзе закрытае генеральнае консульства Беларусі, паведамляе БелТА са спасылкаю на прэс-службу беларускага ўрада.
У адпаведнасці з указам ад 9 лiпеня 1996 №247 «Аб зацвярджэнні палажэння аб дыпламатычных прадстаўніцтвах і консульскіх установах Рэспублікі Беларусь» Савет Міністраў пастанавіў закрыць 23 лютага 2018 года генеральнае консульства Беларусі ў Адэсе (Украіна).
Гэта рашэнне змяшчаецца ў пастанове ўрада Беларусі ад 4 студзеня 2018 года №1. Ва Украіне такім чынам застаецца толькі адно беларускае дыппрадстаўніцтва — пасольства ў Кіеве — і ганаровы консул Беларусі ў Львове.