Раўнівы муж выкінуў жонку з акна ў Бабруйску
25-гадовую жанчыну знайшлі пад вокнамі дома. Яна жыла на другім паверсе разам з мужам.
Жанчына атрымала шматлікія траўмы: пераломы, ушыбы, чэрапна-мазгавую траўму. Уцямна патлумачыць, што адбылося, пацярпелая не змагла, але мяркуецца, што яе мог прыраўнаваць і выштурхнуць з акна муж.
Следчыя затрымалі 27-гадовага мужчыну. Яго змясцілі пад варту, завялі крымінальную справу за наўмыснае нанясенне цяжкіх цялесных пашкоджанняў, распавялі «Нашай Ніве» ў Следчым камітэце. Калі вінаваты сапраўды муж, то яму пагражае да 8 гадоў зняволення.