WhatsApp запускае новы месенджар — для бізнэсу
Кампанія WhatsApp абвясціла аб запуску новага месенджара WhatsApp Business, прызначанага для спрашчэння зносін паміж арганізацыямі малога бізнэсу і іх кліентамі, гаворыцца ў блогу кампаніі.
У новым дадатку карыстальнікам будзе даступная функцыя стварэння бізнэс-профілю. Прагледзеўшы яго, кліенты змогуць атрымаць інфармацыю пра кампанію, адрас яе электроннай пошты, сайт або фізічны адрас.
У WhatsApp Business таксама будзе прадстаўлена статыстыка і даступна кіраванне паведамленнямі. Паведамленні можна будзе падзяліць на некалькі груп: хуткія адказы, якія дазволяць азнаёміцца з адказамі на частыя пытанні, вітальныя паведамленні, якія дазволяць кліентам азнаёміцца з бізнэсам кампаніі, і паведамленні «няма на месцы».
Дадатак для прыладаў на Android на дадзены момант даступны для загрузкі ў Інданэзіі, Італіі, Мексіцы, Англіі і ЗША, а ў бліжэйшыя тыдні запрацуе і ў іншых краінах.