У 2017 годзе ўсталяваны рэкорд па колькасці спампаваных мабільных дадаткаў
Рынак мабільных дадаткаў працягвае імкліва расці. Гэта пацвярджае статыстыка, апублікаваная кампаніяй App Annie. У чацвёртым квартале 2017 года быў усталяваны гістарычны рэкорд: карыстальнікі Google Play загрузілі на свае смартфоны і планшэты больш за 19 мільярдаў гульняў і праграм.
Яшчэ каля 8 мільярдаў дадаткаў было спампавана карыстальнікамі App Store на мабільныя прылады ад кампаніі Apple.
Разам гэта складае 27 мільярдаў спампаваных мабільных дадаткаў, што з'яўляецца рэкорднай колькасцю ў гісторыі.
Нягледзячы на тое, што Google Play на 145% апераджае App Store па колькасці загрузак, апошні ўсё ж выйграе па суме грошай, сабраных з продажаў платных дадаткаў: $11,5 мільярдаў у App Store супраць $6 мільярдаў у Google Play.
Найбольш папулярнымі ў крамах абедзвюх аперацыйных сістэм сталі гульні, а таксама праграмы з раздзелу «Фінансы».