Жанчыне ў абменніку выдалі лішнія грошы. Зараз яе шукаюць і падазраюць у махлярстве
Касір абменнага пункта аднаго з банкаў у Мінску выдала лішнія грошы. Жанчыну, якая атрымала іх, падазраюць у махлярстве, паведамляе guvd.gov.by
23-гадовая касір абменнага пункта аднаго з банкаў памылілася і выдала 500 даляраў кліентцы. Як толькі жанчына атрымала ад касіра грошы, яна пералічыла іх каля акенца касы, а затым схавала грошы ў торбу і сышла.
Касір заўважыла памылку і звярнулася ў міліцыю.
Жанчыну шукае міліцыя. У яе дзеяннях аператыўнікі ўгледжваюць склад злачынства - махлярства.