Сіноптыкі прагназуюць у выходныя снег і слабы мароз
У пятніцу на большай частцы тэрыторыі краіны пройдзе снег. На дарогах галалёдзіца. Ноччу мінус 1—7 градусаў, удзень - ад мінус 4 да +1.
У суботу - кароткачасовы снег, мокры снег. На дарогах месцамі захаваецца галалёдзіца. Тэмпература паветра ўначы складзе ад мінус 6 да 0 градусаў, удзень - ад мінус 4 да +1.
11 лютага тэмпература паветра ноччу панізіцца да 7 марозу, днём будзе ад мінус 5 градусаў да +1.
У панядзелак тэмпература паветра ўначы складзе мінус 3-9 градусаў, пры праясненнях паветра месцамі да 12 марозу, тэмпература днём складзе ад мінус 4 градусаў да +2.