Затрыманы і змешчаны ў ізалятар Анатоль Лябедзька
Уначы на 10 лютага падчас вяртання з Брэста ў Жабінкаўскім раёне міліцыя затрымала кіраўніка АГП Анатоля Лябедзьку.
Як паведаміў у сваім фэйсбуку Аляксандр Кабанаў з Бярозы, машыну спынілі супрацоўнікі ДАІ, выклікалі міліцыю.
Лідара АГП абвінавацілі ў непадпарадкаванні, уначы даставілі ў Кобрынскі РАУС, дзе змясцілі ў ізалятар. Суд будзе ў панядзелак, час удакладняецца.
Лябедзька разам з Аляксандрам Кабанавым збіраў подпісы супраць будаўніцтва акумулятарнага завода ў Брэсце.