Брэйвік упершыню заявіў пра раскаянне ў забойстве 77 чалавек
Reuters.com
Нарвежскі тэрарыст Андэрс Брэйвік, які здзейсніў у 2011 годзе тэракт, ахвярамі якога сталі 77 чалавек, упершыню заявіў пра раскаянне. Пра гэта, як стала вядома газеце Verdens Gang, ён напісаў у лісце адміністрацыі турмы.
Пасланне, па дадзеных выдання, Брэйвік напісаў яшчэ ў мінулым годзе. Калі тэрарыст, сапраўды, раскаяўся, гэта, як заўважае газета, стане адной з самых хуткіх маральных рэабілітацый у сусветнай гісторыі.
У лісце, як удакладняе Verdens Gang, нарвежскі тэрарыст у прыватнасці паведаміў, што ён адмовіўся ад «фашысцкай, нацыянал-сацыялістычнай і этнанацыяналістычнай ідэалогій» і зараз не залічвае сябе ні да аднаго з гэтых рухаў. «Цяпер, - цытуе Брэйвіка нарвежскае выданне, - ён шкадуе пра забойства 77 чалавек і расстрэле ўдзельнікаў моладзевага летніка на выспе Утойя».