У Viber з'явілася некалькі новых функцый
Выйшла абнаўленне 8.3 да мэсэнджара Viber, разам з якім з'явілася некалькі карысных новаўвядзенняў.
Цяпер у групавых чатах можна звяртацца да канкрэтнага чалавека, выкарыстоўваючы сімвал «@» і ягонае імя. У такім выпадку паведамленні будуць даходзіць да адрасата адразу, нават калі для гэтага чата ў яго выключаныя апавяшчэнні.
Галасавыя паведамленні сталі даўжэй: максімальная працягласць цяпер складае 60 секунд.
Таксама для прыладаў на АС Android з'явілася магчымасць рабіць рэзервовыя копіі чатаў (на iOS такая магчымасць існавала і дагэтуль).