Каля вёскі пад Янавам разлілася нафта на плошчы 3600 м2
Сёння ў магістральным нафтаправодзе «Мазыр-Брэст» упаў ціск і была выяўлена нафтавая пляма ў Янаўскім раёне паблізу в. Старыя Клёнкі. Адбыўся разліў нафты на плошчы 3600 м2, паведамляе МНС Беларусі.
Праводзяцца работы па зборы нафты з паверхні зямлі. Пашкоджаны ўчастак адключаны. Перапампоўка ажыццяўляецца па іншых нітках трубаправода.
На месцы працуюць аварыйныя брыгады, тэхніка МНС задзейнічана для забеспячэння пажарнай бяспекі, ратавальнікі вядуць маніторынг. Прычыны здарэння высвятляюцца.