У Беларусі будуць змагацца са стрытрэйсінгам
У Беларусі будуць змагацца са стрытрэйсінгам, заявіў генеральны пракурор Аляксандр Канюк сёння журналістам, паведамляе БелТА.
Вулічныя гонкі, стрытрэйсінг — неафіцыйныя гонкі, якія праходзяць на грамадскіх дарогах. Як падкрэсліў генпракурор, гэта становіцца праблемай.
«Толькі ў 20-градусны мароз гэта, вядома, не актуальна. А так той, хто жыве, да прыкладу, на праспекце Пераможцаў у Мінску, выдатна ведае, што адбываецца з аўтамабілямі і матацыкламі… Бо шмат скаргаў ідзе ад людзей. Мы гэтай тэмай займаліся, думаю, што ў рэшце рэшт больш канкрэтна падыдзем да яе рашэння»,
— падкрэсліў генпракурор.
Ён таксама адзначыў:
«Як стрытрэйсера затрымаць, да прыкладу, на матацыкле Kawasaki на хуткасці 250 кіламетраў у гадзіну? У іншых дзяржавах сёння ўжо створаны спецпадраздзяленні па барацьбе з падобнымі парушальнікамі. Я не кажу, што мы так будзем рабіць. Але праблема ёсць».