Русы запэўнівае Лукашэнку: На пасаду міністра лясной гаспадаркі падабраныя вельмі моцныя кандыдатуры
Пра гэта паведаміў журналістам намеснік прэм'ер-міністра Міхаіл Русы па выніках дакладу Аляксандру Лукашэнку, піша БелТА.
«Кіраўнік дзяржавы паставіў сур'ёзныя пытанні і папракнуў, што ёсць шэраг недапрацовак. Таму ў бліжэйшы час будзе прынята кадравае рашэнне па прызначэнні міністра. Урадам і Адміністрацыяй Прэзідэнта падабраныя кандыдатуры — вельмі моцныя, магутныя», — сказаў Міхаіл Русы.
Як паведамлялася, у лютым Аляксандр Лукашэнка вызваліў ад пасады міністра лясной гаспадаркі Міхаіла Амельяновіча за непрыняцце дзейсных мер па барацьбе з карупцыяй і эканамічнымі правапарушэннямі ў падведамных арганізацыях.