Увод абмежаванняў на беларускае малако могуць ізноў адкласці
Увод абмежаванняў на ўвоз малака з Беларусі ў Расію можа быць яшчэ адкладзены, заявіў журналістам віцэ-прэм'ер Расіі Аркадзь Дварковіч.
Рассельгаснагляд з 26 лютага планаваў абмежаваць ўвоз з Беларусі малака і шэрагу відаў малочнай прадукцыі для перапрацоўкі.
«Могуць быць», — адказаў Дварковіч на пытанне, ці можа быць зноў перанесены тэрмін ўступлення ў сілу абмежаванняў Рассельгаснагляду.
Віцэ-прэм'ер дадаў, што перамовы паміж ведамствамі дзвюх краін працягваюцца. «Яны ідуць, гэтыя перамовы», — сказаў ён.