«Жданы» ў мастацтве
27 верасьня ў галерэі «Zнята», што ў менскім кінатэатры «Цэнтральны», адкрылася незвычайная выстава фота‑дызайнаў «Wonderland — пераасэнсаваньне вядомай «ждановіцкай» барахолкі —.
27 верасьня ў галерэі «Zнята», што ў менскім кінатэатры «Цэнтральны», адкрылася незвычайная выстава фота‑дызайнаў «Wonderland. Артыкулы Поля Цудаў». Гэта першае ўвасабленьне новага фотапраекта Артура Вакарава — мастака, дызайнэра і авантурыста. Артур зьяўляецца стваральнікам слыннай рэклямнай групы «Adliga», а таксама ён — пераможца Маскоўскага, Кіеўскага і Тбіліскага фэстываляў рэклямы.
Праект «Wonderland. Артыкулы Поля Цудаў» паўстаў з творчага пераасэнсаваньня вядомай «ждановіцкай» барахолкі — «Поля Цудаў». Аўтар абяцае, што тыя, хто прыйдуць на выставу, ня знойдуць там аніякага савецкага стайлу, зь якім у многіх асацыюецца ідэя праекту.