У Гродне таксама будзе свята: улады далі дазвол на Дзень Волі
Дзень Волі ў Гродне ў 2001 годзе. Архіўнае фота.
Гарадзенскія ўлады дазволілі правесці мітынг і канцэрт да 100-годдзя абвяшчэння БНР у Каложскім парку 25 сакавіка. Пра гэта паведаміў старшыня гарадзенскай арганізацыі БНФ Вадзім Саранчукоў на сваёй старонцы ў Facebook.
Гарадзенскія актывісты падалі заяўку на правядзенне масавых мерапрыемстваў (канцэрту і мітынгу) да 100-годдзя БНР 3 сакавіка.
Збор удзельнікаў — з 13.00 да 14.00 каля стэлы «850 гадоў Гродна». Сама акцыя дазволена з 14.00 да 17.00 на гэтай жа пляцоўцы.
Фота: facebook.com/saranchukou