Памёр 20-гадовы нарвежскі футбаліст
20-гадовы апорны паўабаронца клуба «Конгсвінгер» Адрыян Лілебек Оўліен памёр ноччу 16 сакавіка ў бальніцы, паведамляе eurosport.ru.
Адрыян Лілебек Оўліен. Фота eurosport.com.
Прычынай смерці стала вострая інфекцыя. У паведамленні на афіцыйным сайце клуб папрасіў не турбаваць гульцоў і трэнераў у гэты цяжкі момант для клуба.
«Конгсвінгер» — футбольны клуб з аднайменнага горада ў Нарвегіі. Клуб гуляе ў другім па сіле нарвежскім дывізіёне.
Оўліен згуляў 47 матчаў за моладзевыя зборныя Нарвегіі розных узростаў.