У Віцебску 91-гадовая жанчына трапіла пад трамвай
Віцебскія следчыя шукаюць сведкаў ДТЗ з трамваем, у якім цяжка траўмаваная 91-гадовая жанчына.
Пра гэта БЕЛТА паведаміла афіцыйны прадстаўнік упраўлення Следчага камітэта па Віцебскай вобласці Святлана Сахарава.
Аварыя здарылася 20 лютага каля апоўдня. Трамвай рухаўся па маршруце №7 па праспекце Фрунзэ з боку вуліцы Смаленскай у напрамку вуліцы Лазо ў Віцебску. ДТЗ адбылося ў раёне скрыжавання з вуліцай Церашковай. Жанчыну збіў трамвай, калі праязджаў рэгуляваны пешаходны пераход на дазваляльны сігнал святлафора. Ім кіраваў 62-гадовы мужчына.
У выніку здарэння 91-гадовай жанчыне прычынены цяжкія цялесныя пашкоджанні — яна дастаўлена ў бальніцу.
У дачыненні да кіроўцы заведзена крымінальная справа.