Украінская пісанка стала пазалочанай манетай у Канадзе ФОТАФАКТ
Каралеўскі канадскі манетны двор выпусціў каляровую пазалочаную манету ў форме ўкраінскай пісанкі, піша Украінская праўда.
Манета стала ўжо трэцяй «пісанкай» у калекцыі канадскага манетнага двара, але першай пазалочанай манетай. На адваротным баку нанесеныя каляровыя ўзоры, характэрныя для традыцыйнай ўкраінскай пісанкі.
Манету выпусцілі з 31,82 грамамі чыстага срэбра з пазалотай.
Яе намінал — 20 канадскіх даляраў. Выпушчана 5000 манет.