Трамп адмяніў запланаваны візіт у Лацінскую Амерыку, каб падрыхтаваць адказ па Сірыі
Прэзідэнт ЗША Дональд Трамп адмяніў сваю паездку на «Саміт Амерык», які адбудзецца ў сталіцы Перу Ліме, для падрыхтоўкі адказу на меркаваную хімічную атаку ў Сірыі. Замест яго на саміт паедзе віцэ-прэзідэнт Майк Пэнс. Пра гэта паведамляе Reuters са спасылкай на Белы дом.
Раней Трамп казаў, што ваенны варыянт адказу не выключаецца.