У Маскве назвалі колькасць выпушчаных па Сірыі ракет
AP
Агульная колькасць ракет, выпушчаных сіламі кааліцыі ў ходзе ўдару па Сірыі 14 красавіка, перавысіла сто адзінак, паведаміла Мінабароны Расіі.
«Па вайсковых і грамадзянскіх аб'ектах Сірыйскай Арабскай Рэспублікі паветранымі і марскімі носьбітамі ЗША, Вялікабрытаніі, Францыі было выпушчана больш за 100 крылатых ракет і ракет класа «паветра-зямля», — цытуе ТАСС паведамленне ведамства.
Па дадзеных расійскіх вайскоўцаў, у бой уступілі падраздзяленні супрацьпаветранай абароны сірыйскай арміі, якім удалося збіць «значную частку» ракет кааліцыі.
Падчас удару ў красавіку 2017 года ЗША выпусцілі 59 крылатых ракет.