Жыхар Расіі ў бензабаку машыны спрабаваў увезці ў Беларусь 36 кг гашышу
Спынены буйны канал пастаўкі з Еўропы на тэрыторыю ЕАЭС гашышу мараканскага паходжання, паведамілі БелТА ў МУС.
«Супрацоўнікі галоўнага ўпраўлення па наркакантролі МУС сумесна з калегамі з ДМК і Дзяржпагранкамітэта на адным з пунктаў памежнага пропуску затрымалі грамадзяніна Расіі. У машыне жыхара Калінінграда аператыўнікі выявілі 36 кг гашышу. Схованка для транспарціроўкі наркотыкаў была абсталяваная ў бензабаку», - распавялі ў МУС.
Распачатая крымінальная справа. Следчыя высвятляюць асобы ўсіх датычных да гэтага злачынства.