Суд ЕС: Польшча парушыла законы Еўрасаюза, калі высякала Белавежскую пушчу
Рашэнне польскіх улад аб узмоцненай высечцы Белавежскай пушчы супярэчыла заканадаўству ЕС. Такое рашэнне ў аўторак вынес Суд ЕС.
Прысуд, які завяршае спрэчку з Еўракамісіяй, якая доўжыўся з 2016 года, быў вынесены Вялікай палатай суда з 15 суддзяў.
Суд прызнаў, што Польшча не выканала абавязацельстваў, якія накладвае дырэктыва ЕС па ахове прыродных месцаў пражывання, дзікай флоры і фауны, а таксама «птушыная дырэктыва». Гэтыя дырэктывы усталёўваюць вызначэнне запаведніка «Белавежская пушча» і аб'ём тэрыторыі, якая падлягае спецыяльнай ахове.
Суд прызнаў недастатковым аргумент польскай улады адносна павелічэння папуляцыі жука-караеда для абгрунтавання неабходнасці высечкі.
Раней міністр аховы навакольнага асяроддзя Польшчы Хенрык Кавальчык заяўляў, што Польшча будзе паважаць рашэнне Суда ЕС.