Нават не паспеў разматаць новую вуду: на Вілейшчыне нечакана памёр рыбак
Здарэнне адбылося на канале Вілейска-Мінскай воднай сістэмы паміж вёскамі Ерхі і Сосенка 15 красавіка, піша Рэгіянальная газета.
56-гадовы сталічны жыхар прыехаў раніцай разам з сябрам на рыбалку.
Па словах сябра, мужчына нават не паспеў нацешыцца з новай вуды, яму стала дрэнна.
Пасля медыцынскай экспертызы даведаліся, што мінчанін памёр ад ішэмічнай хваробы сэрца.
— Пры гэтым жонка памерлага расказала, што прыкладна за тыдзень яе муж рабіў ультрагукавае даследаванне. Па яго выніках, дактары сказалі, што ў мужчыны здаровае сэрца, — распавяла намеснік начальніка Вілейскага РАУС Кацярына Млечка.